ناس كتير مستنية الجزء التالت والاخير وهو طريقة تركيب روم معدل لأي جهاز اندرويد زي ما قولت قبل كدا علشان تركب روم معدلة لازم تبقي مركب ريكفري معدل وده شرح طريقة تركيب ريكفري معدل اضغط هنا وعلشان تركب ريكفري معدل لازم تبقي عامل رووت وده شرح عمل رووت لأي جهاز اندرويد اضغط هنا .
نبدأ الشرح :-
ياريت تقرا الموضوع كلو قبل ماتبدأ تنفز علشان فى 5 ملحوظات فى الأخر مهمين وكمان اى غلطة قول على موبايلك يارحمان يارحيم.
اولا لازم تدور على روم معدلة لجهازك وطبعا اشهر موقع للرومات المعدلة هو xda وانا قولت عنه شوية في الموضوع الي فات هاتدخل علي الموقع وبعدين عمل بحث عن جهازك من هنا :-
انا مثلا كتبت فى البحث Samsung galaxy s4
هتلاقي مكتوب Rom وممكن تلاقي كذا واحدة لجهازك ممكن تجرب فيهم.
بس ياريت تخلي بالك علشان بيبقي فى كذا موديل للجهاز شوف فى الموضوع الاول الروم دى لأنهو موديل
بعد كدا دور على لينك التحميل فى الموضوع وحملها.
بعد ما تحملها حطها على الجهاز نفسو مش الميموري وادخل على وضع الريكفري (عن طريق ضغط زر رفع الصوت والهوم والباور)
هاتغط الاول على Wipe data/factory reset وتسني لما يخلص وبعدين تضغط على Wipe cache partition وتستني لما يخلص.
وبعد كدا تضغط على install zip from sdcard وتختار المكان الى حاطط فيه الروم وتعمل install تستني لما يخلص.
كدا مبروك عليك الروم يا وحش.
كام ملحوظة كدا على السريع :-
1- الريكفري مش تاتش الريكفري بيشتغل بزرار رفع الصوت وخفضه وزرار الباور.
2- ساعات فى رومات مابيبقاش فيها تطبيق جوجل بلاي بيبقي فى الموضوع الى محطوط فيه الروم لينك تحميل Gapps حملها ونزلها زي الروم بالظبط.
3- ممكن تاخد نسخة احتياطية من الحاجة الى عندك قبل ما تنزل الروم علشان كل حاجة بتتمسح واشهر برنامج لأخذ نسخة احتياطية من التطبيقات هو Titanium backup .
4- الرومات ساعات او غالبا بيبقي فيها Bugs يعني عيوب فى بعض الحاجات فماتستغربش لما تلاقي مشكلة ف اي حاجة فى الموبايل بعد الروم.
5- قبل ما تعمل الروم ممكن تاخد نسخة من السوفت الاصلي بتاعة الجهاز من الريكفري بتضغط علي Backup and restore وبعدين تعمل Backup ولما تحب ترجع السوفت الأصلي بتضغط على نفس الخيار بس تعمل restore .
كدا الحمدلله الموضوع خلص واي استفسار انا فى الخدمة راسلني على صفحة الفيس بوك :- https://www.facebook.com/techprof.net
ليست هناك تعليقات:
إرسال تعليق